అపూర్వబ్రహ్మచర్య ప్రహసనము 19
శ్యామ -- నీవు కూడావున్నతరువాత భార్యలేనిలోపం వుండదు. ఇటువంటిది ముందు యెప్పుడయినా మళ్ళీతటస్థిస్తే నాకు ముందుగా వర్తమానము పంపుమా.
కర -- తప్పకుండా పంపుతాను. ఇక నాలుగురోజులకు తటస్థ మవుతుందనగానే మనిషినిపంపుతాను.
రామా -- అయినదానికి విచారించిన కార్యములేదు. మనము లోపలకు వెళుదాము రా. (కరటకరెడ్డితో రహస్యంగా) మేము వెళ్ళగానే మోహినిని అవతలికి పంపివెయ్యి.
శ్యామ -- నాకు చెమటపట్టింది. లోపలికిరాను. కొంచెము సేపు చల్లగాలికి యీవసారాలో మల్లిపందిరిదగ్గిర కూర్చుంటాను. నామల్లిచెట్టుకు రోజూనీళ్ళుపోయిస్తూవున్నారా?
రామా -- వసారాలోకా?
శ్యామ -- వసారాలోకే వెళుతాను.
రామా -- (కరటకరెడ్డితో రహస్యంగా) నీవేదో మాయోపాయం కల్పించి బొంకవలెను. తక్షణం యేదో అబద్ధంకల్పించి నామానందక్కించు.
కర -- అమ్మా! వసారాలో యెవరున్నారో మీకు తెలియదు. నన్ను క్షమించవలెను.
శ్యామ -- వసారాలోయెవరున్నారు? నిన్ను క్షమించడానికి యేం నేరంచేసినావు?
కర -- ఒక చక్కనిచిన్న దాన్ని నేను తీసుకొనివచ్చి-
రామా -- (తనలో) వీడునాగుట్టు బయలపెడుతూవున్నాడు-
శ్యామ -- ఏమీ! నేనులేనిసమయంలో నాయింటికిఆడదాన్ని తెచ్చినావా?
రామా -- (కోపముతో) చక్కనిచిన్నదాన్నా? కానీ చెప్పు చెప్పు.