65
కమలధరుఁడును కమలపుత్రుఁడు కమలశత్రుఁడు పుత్రుఁడు !
క్రమముతో మీకొలువు కిప్పడు కాచినా రెచ్చరికయా ॥శర॥
అనిమిషేంద్రులు మునులు దిక్పతు లమర కిన్నర సిద్ధులు !
ఘనతతో రంభాదికాంతలు కాచినా రెచ్చరికయా ॥శర॥
ఎన్నఁగల ప్రహ్లాదముఖ్యులు నిన్నుఁ గొలువఁగ వచ్చిరీ !
విన్నపము వినవయ్య తిరుపతి వెంకటాచలనాయకా ॥శర॥
భజనపద్ధతిలో అన్నమాచార్యునిదిగా నాఁటనుండి నేఁటిదాఁక సాగుచున్న యీపై సంకీర్తనమును జదివి పురందరదాసుగారి యీక్రింది సంకీర్తనమును గూడఁ జదువుఁడు.
మాళవి రాగం
శరణు శరణు సురేంద్ర వందిత శరణు శ్రీపతిసేవిత !
శరణు పార్వతితనయ మారుతి శరణు సిద్దివినాయక ॥పల్లవి॥
నిటలనేత్రన దేవిసుతనె నాగభూషణప్రియనె !
తటిల్లతాంకిత కోమలాంగనె కర్ణకుండల ధారనె ॥శర॥
బటువుముత్తిన పదకహారనె బాహుహస్తచతుష్కనె !
ఇట్టితొడగియు హేమకంకణ పాశ అంకుశ ధారనె ॥శర॥
కుక్షియొళు మహాలంబోదరనె ఇక్షుచాప గెలిదనె !
పక్షివాహన నాద పురందరవిట్ఠలన నిజదాసనె ॥శర॥
అన్నమాచార్యులవారి సంకీర్తనచ్ఛాయనే పురందరదాసులవారి కీర్తన మున్నది.
సంకీర్తననంఖ్య
అన్నమాచార్యుఁడు యోగవైరాగ్య శృంగార మార్గములలో ముప్పదిరెండువేల సంకీర్తనములఁ జెప్పెనని కలదు. (చూ. 45 పుట.) అతఁడు తనపదునాఱేండ్లవయసున నుపక్రమించి దివ్యధామ మందుదాఁక
