46
మానవుఁడౌ కృష్ణుమహిమల విశ్వరూపు ! పూని బండి నుంచుకొన్న పోటుబంట యర్జునా ||ఇంది|| 2
శ్రీవల్లభునకు నశేషకైంకర్యములా ! శ్రీ వేంకటాద్రివైన శేషమూరితి ! కైవసమైన యట్టి కార్తవీర్యార్జునుఁడా యీ ! దేవుని నీవేళ నిట్టి మాకుఁ దెచ్చి యీయరే ||ఇంది|| 3
అన్న. అధ్యా. 373 ఱేకు.
క్రీ 1440 ప్రాంతములనో తర్వాతనో తురుష్కులు గాఁబోలును జరపిన దౌర్జన్యము నన్నమాచార్యుఁ డిట్లు చెప్పి చెప్పి చింతిల్లినాడు.
రామక్రియ
తతిగాని యీపాటు దైవమా విచారించవే ! కతలాయఁ జెప్ప నేఁడు కలికాల మహిమా ||పల్లవి||
తుటుములై భూసురుల తుండెములు మొండెములు ! యిటువలె భూతములు యెట్టు మోఁచెనో ! అటుబాలుల రొదలు ఆకాశమె ట్టోరిచెనో ! కటకటా యిట్లాయఁ గలికాలమహిమా ||తతి|| 1
అంగలార్చే కామినుల యంగభంగపు దోఁపు ! లింగితాన మింటసూర్యుఁ డెటు చూచెనో ! పొంగు నానాజాతిచేత భువన మెట్టానెనో ! కంగి లోక మిట్లాయఁ గలికాలమహిమా ||తతి|| 2
అరుదు గోహత్యలు సేయఁగ దూడ లంగలార్వ ! సరిధర్మదేవ తెట్టు సమ్మతించెనో ! పరధనచూఱ కెట్టు పట్టాయతో లక్ష్మి ! కరుణ యెం దణఁగెనో కలికాలమహిమా ||తతి|| 3
దేవాలయాలు నానాదేశము లెల్లాఁ జొచ్చి ! దేవఁగా నెటుండిరో దేవతలు !
