29
శ్రీవెంకటపతి నీవైతే మముఁ జేకొనివున్నదైవ మని!
యీవల నే నీశరణనియెద నిదియె పరతత్వము నాకు ॥ఎంత॥ 3
అన్న అధ్యా. 179 ఱేకు
బౌళి
ఏమి వలసిన నిచ్చు నెప్పుడైనను
ఏమఱక కొలచిన నితఁడే దైవము ॥పల్లవి॥
ఘనముగా నిందఱికిఁ గన్ను లిచ్చుఁ గాళ్ళిచ్చు!
పనిసేయఁజేతు లిచ్చు బలియుఁడై!
తనుఁ గొలువు మని చిత్తము లిచ్చుఁ గరుణించి!
వొనర లోకాన కెల్ల నొక్కఁడే దైవము ॥ఏమి॥ 1
మచ్చిక తనుఁ గొలువ మనసిచ్చు మాట లిచ్చు!
కుచ్చితములేని కొడుకుల నిచ్చును!
చొచ్చినచోటే చొచ్చి శుభమిచ్చు సుఖమిచ్చు!
నిచ్చలు లోకాన కెల్ల నిజమైన దైవము ॥ఏమి॥ 2
వంతమాడి కొలచినఁ బ్రాణ మిచ్చు ప్రాయమిచ్చు!
యెంతటిపదవులైన నిట్టె యిచ్చు!
వింతవింత విభవాల వెంకటేశుం డిదేమో!
యంతరంగమున నుండే అరచేతిదైవము ॥ఏమి॥ 3
అన్న. అధ్యా.128 ఱేకు.
స్వామిదర్శనము (చూ.22.పుట) ఇక్కడి వర్ణనమువంటిదే పరమయోగివిలాసమునను స్వామివర్ణన మున్నది.
ఆవరణంబుల కాదియై మిగులఁ
గొమరారు వైకుంఠగోపురంబునకుఁ
బ్రమదంబుతో మున్నుప్రణమిల్లి యంతఁ