28
వుట్టుకోఁగఁ దెలిసె మీనేమములు! దండిగ సంపంగిమాఁకుల నడిపించ దైవరాయ తెలిసె మీవిద్యలు ||ఎటు|| 2
మును దాసు తిమ్మన్న తుంబురుకొండకు మోక్ష మియ్యఁగా దెలిసె మీబుదులు! పనివడి తాళ్ళపాక అన్నమయ్యగారి పదములలోఁ దెలిసె మీవోజలు! యెనయ శ్రీవెంకటనాథ యలమేల్మంగ నెద నుంచఁగాఁ దెలిసె మీగోప్యము! వెనుకొని పరుషవారి కెదురు వోయి వెంటరాఁగాఁ దెలిసె మీరాజసము ||ఎటు|| 3
శేషా. వ్రాఁతప్రతి.
బౌళి
ఎంతమాత్రమున నెవ్వరు దలఁచిన అంతమాత్రమె నీవూ అంతరాంతరము లెంచి చూడఁ బిండంతె నిప్పటి యన్నట్లూ ||ప||
కొలుతురు మిము వైష్ణవులు కూరిమితో విష్ణుం డని! పలుకుదురు మిము వేదాంతులు పరబ్రహ్మ మనుచు! తలఁతురు మిము శైవులు తగినభక్తులను శివుఁ డనుచు! అలరి పొగుడుదురు కాపాలికులు ఆదిభైరవుఁ డనుచు ||ఎంత|| 1
సరి నెన్నుదురు శాక్తేయులు శక్తిరూపు నీ వనుచు! దరిసెనముల మిము నానావిధులను తలఁపులకొలఁదుల భజింతురు! సిరుల మిమ్మునే యల్పబుద్ధిఁ దలఁచినవారికి నల్పం బవుదువు! గరిమల మిముమే ఘనమని తలఁచిన ఘనబుద్ధులకు ఘనుఁడవు ||ఎంత|| 2
నీవలనఁ గొఱఁత లేదు మఱి నీరుకొలంది తామరవు! ఆవల భాగీరథిదరిబావుల అజలమే వూరినయట్లు!
