26
భూపాళం
పావనము గావో జిహ్వ బ్రదుకవో జీవుఁడా! వేవేల కితని నింక వేమాఱునుం బాడి ||పల్లవి||
హరినామములే పాడి అతనిపట్టపురాణి! ఇరవై మించినయట్టియిందిరఁ బాడి! సరస నిలువంకలాను శంఖచక్రములఁ బాడి! వరదకటిహస్తాలు వరుసతోఁ బాడి ||పావ|| 1
ఆదిపురుషునిఁ బాడి అట్టే భూమిసతిఁ బాడి! పాదములఁ బాడి నాభిపద్మముఁ బాడి! మోదపుబ్రహ్మాండాలు మోచే వుదరముఁ బాడి! ఆదరానఁ గంబుకంఠ మంకెతోఁ బాడి ||పావ|| 2
శ్రీవెంకటేశుఁ బాడి శిరసుతులసిం బాడి! శ్రీవత్సముతోడురముఁ జెలఁగి పాడి! లావుల మకరకుండలాలకర్ణములు పాడి! ఆవటించి యితనిసర్వాంగములుఁబాడి ||పావ|| 3
అన్న అధ్యా.173 ఱేకు.
స్వామియుభయుమాన్తము
సామంతం
ఇందఱికి నభయంబు లిచ్చుచేయి కందువ లగుమంచి బంగారుచేయి ||ఇంద||
వెలలేనివేదములు వెదికి తెచ్చినచేయి! చిలుకుగుబ్బలిక్రిందఁ జేర్చుచేయి! కలికియగు భూకాంతఁ గౌఁగిలించినచేయి! వలమైనకొనగోళ్ళ వాఁడిచేయి ||ఇంద|| 1
తనివోక బలిచేత దాన మడిగినచేయి! ఒనరంగ భూదాన మొసఁగుచేయి!
