25
కోరి మమ్ము నేలినట్టికులదైవమా, చాల! నేరిచి పెద్ద లిచ్చిన నిధానమా! గారవించి దప్పిదీర్చు కాలమేఘమా, మాకు! చేరువఁ జిత్తములోని శ్రీనివాసుఁడా ||పొడ|| 1
భావింపఁ గైవసమైన పారిజాతమూ మమ్ము! చేవదేరఁ గాచినట్టిచింతామణీ! కామించి కోరిక లిచ్చే కామధేనువా, మమ్ము! తావై రక్షించేటిధరణీధరా ||పొడ|| 2
చెడనీక బ్రదికించే సిద్ధమంత్రమా, రోగా! లడఁచి రక్షించే దివ్యౌషధమా,! బడిఁ బాయక తిరిగే ప్రాణబంధుఁడా, మమ్ము! గడియించినట్టి శ్రీవేంకటనాథుఁడా ||పొడ|| 3
రామక్రియ అటతాళం
కంటిఁగంటి నిలువుచక్కనిమేను దండలును నంటుఁజూపులను జూచే నవ్వుమోము దేవుని ||పల్లవి ||
కనకపుఁబాదములు గజ్జెలు నందెలును! ఘనపీతాంబరము పైకట కటారి! మొనసియొడ్డాణపు మొగవుల మొలనూలు! ఒనర నాభీకమల ముదరబంధములు ||కంటి|| 1
గరిమ వరద హస్తకటి హస్తములును! సరస నెత్తినశంఖచక్రహస్తములు! ఉరముపై కౌస్తుభ మొప్పగుహారములు! ....................... ||కంటి|| 2
కట్టిన కంటసరులు ఘనభుజకీర్తులు! కట్టాణిముత్యాల సింగారనామము! నెట్టన శ్రీవెంకటేశ నీకుఁ గర్ణపత్రములు! నట్టెసిరసుమీఁద నమరే కిరీటము ||కంటి|| 3
శేషా. వ్రాఁతప్రతి.
