24
అనయము శ్రీ వెంకటాద్రిదేవునిబంటు!
వెనుబలమై యున్నాఁడు విట్టలములోనను ॥మొక్కరో॥ 3
అన్న అధ్యా. 252 ఱేకు.
ప్రసాదములు
దేసాక్షి
ఏపొద్దు చూచిన దేవుఁ డిట్గానె యారగించు
రూపులతోఁ బదివేలు రుచులైనట్లుండెనూ ॥పల్లవి॥
మేరుమందరాలవలె మెఱయు నిడ్డెనలు!
సూరియచంద్రులవంటి చుట్టుఁబళ్ళేలు!
ఆరని రాజాన్నాలు అందుపై వడ్డించఁగాను!
బోరన చుక్కలు రాసివోసినట్లుండెను ॥ఏపొద్దు॥ 1
పలుజలధులవంటి పైఁడివెండి గిన్నెలు!
వెలిఁగొండ లంతలేసి వెన్నముద్దలు!
బలసిన చిలువాలు పంచదార గుప్పఁగాను!
అలరువెన్నెల రస మందిచ్చిన ట్లుండెను ॥ఏపొద్దు॥ 2
పండిన పంటలవంటి పచ్చళ్లుఁగూరలును!
వండి యలమేలుమంగ వడ్డించగాఁ!
అండనె శ్రీవెంకటేశుఁ డారగించి మిగులఁగ!
దండిగా దాసులకెల్ల దాఁచిన ట్లుండెను ॥ఏపొద్దు॥ 3
అన్న అధ్యా. 252 ఱేకు.
స్వామి దర్శనము
శంకరాభరణం, అటతాళం
పొడగంటిమయ్య మిమ్ము పురుషోత్తమా, మమ్ము
నెడయకవయ్య కోనేటిరాయఁడా ॥పల్లవి॥
