12
యన్నమయ యర్చించుటచేతనేమో యూమెకు తాళ్ళపాక గంగమ్మ యని పేరయ్యెను. తిరుపతిలో నేఁటేఁట జరుగు గంగమ్మ జాతర యీగంగా నమ్మలకై యేర్పడినదే.
అన్నమయ యంతటఁ దిగువతిరువతికి విచ్చేసి యిట్లు సంకీర్తనము చేసెను.
మలహరి
అదె చూడు తిరువెంకటాద్రి నాలుగుయుగము।
లందు వెలుఁగొంది ప్రభమీఱఁగాను ॥పల్లవి॥
తగనూటయిరవై యెనిమిది తిరుపతులం గల
స్థానికులును చక్రవర్తి పీఠకములును।
అగణితంబైన దేశాంత్రులమఠంబులును
నధికమై చెలు వొందఁగాను।
మిగుల నున్నతములగు మేడలును మాడుగులు
మితిలేనిదివ్యతపసు లున్నగృహములును।
వొగినొరగుఁబెరుమాళ్ళవునికిపట్టయి వెలయు
దిగువ తిరుపతి గడవఁగాను ॥అదె॥ 1
పొదలి యరయోజనము పొడవుననుఁబొలుపొంది
పదినొండు యోజనంబుల పరపుననుఁ బరగి
చెదర కేవంకఁ జూచినమహాభూజములు
సింహశార్దూలములును।
కదిసి సురవరులు కిన్నరులు కింపురుషులును
గరుడగంధర్వ యక్షులును విద్యాధరులు।
విదితమై విహరించు విశ్రాంతదేశముల
వేడుకలు దైవాఱఁగాను ॥అదె॥ 2
ఎక్కువల కెక్కువై యెసగి వెలసిన పెద్ద
యెక్కు డతిశయముగా నెక్కి నంతటిమీఁద।
అక్కజంబైన పల్లవరాయని మఠము
అలయేట్లపేడగడవన్।
