విభక్తులు.
ఈ క్రింది విభక్త్యంతములుగల రూపములు గానవచ్చుచున్నవి.
ప్రథమైకవచనము.
సేవకామో (సేవాకామ:); పియకామో (ప్రియకామ:); ఆణితో (ఆజ్ఞప్తి:); సామకో (సామక:); వతవో (వక్తవ్య:); గామో (గ్రామ:); ఓవరకో (అపవరక:); ఘరో (గృహం); ఉపరఖితో (ఉపరక్షిత:)
ప్రథమాద్వివచనమునకు బహువచనము.
ఫోడియో.
తృతీయైక వచనము.
మెధునేన, వెణ్హుసాలేన, అవియేన; అమచేన, సివగుతేన, తాపసేన; ఉసభదతేన; పుతేన; నాసికతేన; సమణేన; కుటుంబకేణ; దణమేణ; - ఈ రూపములలో సంస్కృతములోని ఇన ప్రత్యయము చేరినది. కొన్నిచోట్ల సంస్కృతమునకు విరుద్ధముగా నకారమునకు బదులు ణకారము కానవచ్చుచున్నది. భమనందిన అను రూపమునందు నకారాంతశబ్దమునకు వలె రూపమున్నది.
తృతీయా బహువచనము.
సంస్కృతము నందునలె గాక యిందు ఏభి: అను ప్రత్యయమునకు వికారమైన (ఏహి). అను ప్రత్యయము తృతీయా బహువచనమున జేరుచున్నది:- సమణేహి (శ్రమణై:), వాసేహి (వాసై:), భదాయనియేహ (భద్రాయణై:); పరిహారేహి (పరిహారై:); మహాసామయేహి (మహాస్వామిభి:) మాలయేహి (మాల్యై:), సహస్రేహి (సహస్రై) - అకారేతరాజంత రూపములపై 'హి' మాత్రము చేరును:- చతుహి (చతుర్భి:), బిఖ్ఖుహి (భిక్షుభి:)