ఈ పుట ఆమోదించబడ్డది
ఆంధ్రభాషాభూషణము
41
క. ఉత్తమగుణసూచక మగు
నెత్తమ్మియు నెమ్మొగంబు నెత్తావియు నా
నిత్తెఱఁగున రసికులు దమ
చిత్తము రుచియించుచోటఁ జెప్పుదు రొప్పన్.
క. పెక్కిటి కొకక్రియ యిడుచో
నొక్కటఁ దుదినొండె మొదలనొండెను మఱి యొ
క్కొక్కటి కొండెను బెట్టుదు
రక్కట క్రియ నడుమఁ బెట్ట రాంధ్రకవీంద్రుల్.
క. కరి యరిగెఁ దురగ మరిగెను
గరియున్ దురగంబు నరిగెఁ గ్రక్కున నరిగెన్
గరియును దురగము ననఁ దగుఁ
గరియరిగెన్ దురగ మనినఁ గైకొన రార్యుల్.
క. తీవెల మ్రాఁకులపేరులు
పూవులకున్ బేళ్లు మొగలిపువ్వులు దక్కన్
గ్రోవుల మల్లెలు జాజులు
దా విరివాదు లని చెప్పఁ దగుఁ బెక్కులుగన్.
క. మానయు జేనయు లోనగు
నానాపరిమాణములు జనము గొలుచునెడన్
