ఈ పుట ఆమోదించబడ్డది
40
ఆంధ్రభాషాభూషణము
డినవాఁ డనఁ బొడిచినవా
లనఁ బండినకొలుచు నాఁగ ననువై యునికిన్. 180
క. ఇనపై నుండునకారం
బును పై వాఁ డనుపదంబు మొదలినకారం
బును జడ్డనకారం బగుఁ
గనినాఁ డభిమతములోలిఁ గన్నాఁ డనఁగన్. 181
క. వినెఁ గనెఁ గొనె ననుపగిదిన్
జనుపలుకుల నుండు నడఁగు సంబంధంబుల్
వినియెఁ గనియెఁ గొనియె ననఁగ
ననువై వర్తిల్లుఁ గాన నభినవదండీ. 182
క. మానుగ నఱ్ఱి ఱ్ఱంతము
లైనపదము లూఁదఁబలుక నగు నె ఱ్ఱుఱ్ఱం
తానేకశబ్దజాలము
దా నఱ్ఱంత మగు నూది తగఁ బల్కునెడన్. 183
క. దాతయె కల్పమహీజము
నీతియె బ్రతుకునకుఁ దెరువు నిఖిలకళాని
ష్ణాతుఁడ మహాత్ముఁ డన ని
ట్లాతతముగఁ జెల్లుఁ గాన నభినవదండీ. 184
