ఈ పుట ఆమోదించబడ్డది
30
ఆంధ్రభాషాభూషణము
క. దినకరకొడుకునకును సరి
యనిమిష మొదవునకు సాటి యని యిబ్భంగిన్
దెనిఁగింప సంస్కృతములం
దెనుఁగులు సంధించిరేనిఁ దెగడుదు రార్యుల్. 132
క. తెనుగుపదంబులపైఁ బెం
పొనరఁగ సంస్కృతముచెల్లు నొక్కొకచోటన్
మును సుకవీంద్రులు గృతులన్
బనిగొని రచియించినట్టిపరిపాటిమెయిన్. 133
క. వాఁడిమయూఖము లనఁగా
వేఁడిపయోధార లనఁగా వింజామర నా
మూఁడస్త్రంబు లనంగాఁ
బోఁడిమిఁ గఱకంఠనామము న్బోలి తగున్. 134
క. నీ సంస్కృతంబుతోడ స
మాసించును నీవినూత్నమణినూపురశ
బ్దాసక్తచిత్తహంస
త్రాసకరాంబుదము నాఁగఁ దఱుచై యునికిన్. 135
క. ముదమున నా యీ యేలను
పదములతుద నూష్మ లుడుగఁ బైవర్ణముతో
నదుకునెడఁ గుదియు సాగును
గుదియునెడన్ జడ్డవ్రా లగున్ బైహల్లుల్. 136
