పుట:Ananthuni-chandamu.pdf/90

వికీసోర్స్ నుండి
ఈ పుట అచ్చుదిద్దబడ్డది

6

ఛందోదర్పణము

సంయుక్త వర్ణ గణంబులు

[1]క.

జగణము నలమగు గగములు
భగణములగు గలము నగణభావంబుఁ గనున్‌
సగము నగణ వగణములగుఁ
దగణము భలమగును సంయుతముఁ దీర్చినచోన్‌!

21


[2]క.

మొగిళులు నలమగు నిటులన్‌
నగణము సగణమగు నిటు లనంగుని తండ్రీ!
తగణము పాళు లనంగా
భగణము వాకిళ్ళు భలము వాకిళులనఁగన్‌.

22

గణ ఫలములు

.

నవ్యసుఖప్రదాయి భగణంబు, జకారము రుక్ప్రదంబగున్‌,
ద్రవ్యముఁ జేయు నా, లయకరంబు స కారము, మా శుభంబు, యా
దివ్యసువర్ణకారి, వెతఁదెచ్చును రేఫ, విభూతినిచ్చుఁ దా,
గావ్యములందు నాదినిడఁ గర్తకు భర్తకు నంబుజోదరా!

23

గణాధిదైవతములు

.

భగణము నేలుఁజందురుఁడు, భానుఁడు దా జగణంబు నేలుఁ, దా
నగణము నేలు నిర్జరగణంబుఁ, సమీరణుఁ డేలు నెప్పుడున్‌
సగణము, నుర్వియేలు మగణంబు, నొగిన్యగణంబుఁ దోయమున్‌,
రగణముఁ బావకుండుఁ, దగణంబు నభంబును నేలుఁ, గేశవా!

24

కృత్యాది వర్జనీయ గణములు నక్షరములు

క.

పుర, శర, రస, గిరి, రుద్రుల
నరయ నకచటతప లిడుట యనుచిత మయ్య

  1. అర్థము సంశయముగా నున్నది.
  2. అర్థము సంశయముగా నున్నది.