పుట:Ananthuni-chandamu.pdf/193

అవ్యయీభావసమాసము—

క.⁠

ఎక్కడ నెయ్యవి లే వవి యిక్కడ లే వనిన నవ్యయీభావము దా నెక్కొను నిర్మక్షిక మని యక్కజ మగుఁ దీర్ఘ మహిమ నభినుతి సేయన్‌.

⁠ 101

వ.⁠

మఱియు నుత్తరపదోపమానసమాసం బెట్టి దనిన.

⁠

గీ.⁠

ఓలిఁబురుషసింహో యని యుగ్గడించు చోటఁ దా సింహఇవపురుషో యనంగఁ దనరు నిగ్రహ మగుట నుత్తరపదోప మానసమాస మండ్రిది శాస్త్రమహిమవిదులు.

⁠ 102

మఱియుఁ గారకశబ్దంబులు—

గీ.⁠

సంస్కృతము తెనుఁ గైనఁ దత్సమపదంబు దానఁ బుట్టి తెనుంగైనఁ దద్భవంబు దేశి తెనుఁగు దేశజ మచ్చ తెనుఁగు తెనుఁగు నిర్మలుఁడ సిరి యొడయఁడు నిక్క మనఁగ

⁠ 103

గీ.⁠

సర్వనామముల్‌ యుష్మదస్మత్పదంబు లావిభక్తులక్రియ లవ్యయములు మానుఁ దెలుఁగు లగుచోటఁ గారకాదిని వసించి సర్వనామాశ్రయంబులు జరుగుఁ కొన్ని.

⁠ 104

సీ.⁠

ఏనన్న నీవన్న నితఁడన్న బ్రథమాఖ్య            నను నిన్ను నాతని నన ద్వితీయ నతనిచే నతనితో ననఁగ దృతీయ యీ            తనికొఱ కతనికై యనఁ జతుర్థి

⁠