పుట:Ananthuni-chandamu.pdf/180

కళావిరోధము—

క.⁠

తాళము పట్టక చదువున్‌ బోలఁగఁ బుస్తకముజేత ముట్టక పాడున్‌ మే లితనిజాణతన మన నోలి నిది కళావిరోధ ముదధివిహారా!

⁠ 32

దేశవిరోధము—

క.⁠

బహుకూపతటాకోదక మహితము మరుదేశ మని సమర్థించిన ని మ్మహి నది దేశవిరోధా వహ మండ్రు కవీంద్రు లమృతవారిధిశయనా!

⁠ 33

క.⁠

ఇట్టివి దశదోషము లనఁ బట్టగుఁ గృతులందు నివియ భాసురముగఁ జే పట్టుదురు ధీరు లొక్కొక పట్టున డెందమ్ము లలరఁ బల్కినఁ గృష్ణా!

⁠ 34

క.⁠

పదిదోషంబులఁ దెలిపెడు నదనఁ బ్రయోగించినట్టి యవయోగములం దొదవవు దోషంబులు నీ సదమల నామములఁ గూడఁ జలుపుటఁ గృష్ణా!

⁠ 35

క.⁠

క్రమమున నిటుచెప్పిన దో షములం దత్యుత్కటము విసంధిక మని రా దిమునులు తత్పరిహారా ర్థము సంధి సమాసములు దిరంబుగఁ జేర్తున్‌.

⁠ 36