పుట:Ananthuni-chandamu.pdf/176

6. అపక్రమము—

క.⁠

పదమున నాభికమలమున హృదయమునఁ బయోజభవ రతీశ్వరదివిష న్నదు లుదయించెం గమలా స్పదనకు నను వ్యుత్క్రమం బపక్రమ మయ్యెన్‌.

⁠ 12

7. వ్యర్థము—

క.⁠

మును దాఁ బలికినమాటకు ననుగుణములు గాక వ్యర్థ మగుమాటలతోఁ బెనఁచిన నది వ్యర్థంబనఁ జనుదోషం బనిరి కావ్యచతురులు కృష్ణా!

⁠ 13

గీ.⁠

త్యాగి వగుదు నీవు తారంబు వెట్టవు చేరి నిన్ను నడుగు వారు పెద్ద యింకఁ గీర్తి బ్రాతియే యని యొరుఁ బల్క వ్యర్థదోష మండ్రు వనజనాభ!

⁠ 14

గీ.⁠

ప్రేమ మెఱిఁగి వాఁడు బిగియుచు నున్నాఁడు వానిఁ గసనెయొల్ల వాడుఁ నాకుఁ గూర్పఁ దెఱఁగు లేదొకో నాఁగ విరహిణి యందు నిట్లు వ్యర్థ మమరుఁ కృష్ణ!

⁠ 15

8. అపార్థము—

క.⁠

కరిచర్మము గైరికశిల సురగిరి యని సముదయార్థశూన్యపదంబుల్‌ బెరసిన నపార్థ మగు నది జరగు మదోన్మత్తబాలచరితలఁ గృష్ణా!

⁠ 16