అంద కుసుమితలతావేల్లితయనువృత్తము—
| |
శ్రీనాథున్‌ బ్రహ్మాద్యమరవర సంసేవ్యపాదారవిందున్‌
దీనానాథ వ్రాత భరను గుణోదీర్ణునిం బాడి రోలిన్‌
గానారూఢాత్ముల్‌ మతనయయయల్‌ కామజిద్విశ్రమంబై
వీనుల్‌ నిండారం గుసుమితలతావేల్లితావృత్తమొప్పున్‌.
| 88
|
అంద శార్దూలవిక్రీడితమనువృత్తము—
| |
పద్మప్రోద్భవసన్నిభుల్‌ మసజస ప్రవ్యక్త తాగంబులన్‌
బద్మాప్తాంచితవిశ్రమంబుగ సముత్పాదింతు రుద్యన్మతిన్‌
బద్మాక్షాయ నిజాంఘ్రిసంశ్రిత మహాపద్మాయ యోగీంద్ర హృ
త్పద్మస్థాయ నమోస్తుతే యనుచు నీశార్దూలవిక్రీడితన్‌.
| 89
|
అంద తరళమనువృత్తము—
| |
జలరుహాహిత సోదరీ ముఖ చంద్ర చంద్రిక లాదటన్‌
గొలఁది మీఱఁగ లోచనంబులఁ గ్రోలి యొప్పు మహాసుఖిన్‌
బలుకుచో నభరంబులుం బిదపన్‌ సజంబు జగంబులున్‌
జెలువుగా దరళంబునోలి రచింతు రంధకజిద్యతిన్‌.
| 90
|
అంద మేఘవిస్ఫూర్జితమనువృత్తము—
| |
రమానాథున్‌ నాథున్‌ యదుకుల శిరోరమ్య రత్నాయమానున్‌
సముద్యత్తేజిష్ణున్‌ దనుజయువతిస్ఫారహారాపహారున్‌
మిముం బ్రీతిం బేర్కొం డ్రరుణ విరతిన్‌ మేఘ విస్ఫూర్జితాఖ్యన్‌
గ్రమంబొప్పన్‌ బెద్దల్‌ యమనసములున్‌ రాగముల్గా ముకుందా!
| 91
|
