అంద పాలాశదళమనువృత్తము—
|
పదునయిదు లఘువులును బరఁగ గగ మొందన్
బదియగునెడ విరతులు బలసి పొడసూపన్
బొదలి హరినుతులఁగడు దొలుపగుచుఁ బాలా
శదళ మనఁబరఁగుఁ గవిజనులు గొనియాడన్.
| 84
|
అంద పృథ్వియనువృత్తము—
|
జసంబులు జసంబులున్ యలగ సంగతిన్ సాంగమై
పొసంగ నమృతాంశుభృద్యతులు పొందఁ బాదంబులై
బిసప్రసవలోచనా! వినుము పృథ్వినాఁ బృథ్విలో
నసంశయమగున్ భవద్వినుతులందు నింపొందినన్.
| 85
|
అంద హరిణియనువృత్తము—
|
జరగు నసమప్రోద్యద్రేఫల్ ససంగతమై లగల్
దొరయఁగ మురద్వేషిన్ సద్భక్తితో వినుతించెదన్
సరసిరుహగర్భే శానాదిత్యసత్తము నన్నచో
హరిణి యనువృత్తం బొప్పారున్ బురారి విరామమై.
| 86
|
పదునెనిమిదవధృతిచ్ఛందంబునందు మత్తకోకిలయనువృత్తము—
|
ఒక్కచేత సుదర్శనంబును నొక్క చేతను శంఖమున్
ఒక్కచేతఁ బయోరుహంబును నొక్క చేత గదం దగన్
జక్కడంబగుమూర్తికిన్ రసజాభరంబులు దిగ్యతిన్
మక్కువందగఁ బాడి రార్యులు మత్తకోకిల వృత్తమున్.
| 87
|