పుట:Anandam Manishainavadu.pdf/57

వికీసోర్స్ నుండి
ఈ పుట అచ్చుదిద్దబడ్డది

తరువాయి అవసరమైతే ఎంతటివారినైనా అడిగి తనవంతు సాయం అందించడం ఆయన రక్తంలోనే ఉందేమో? స్వంత కుటుంబానికి మాత్రం ఇతరులద్వారా సహాయ సహకారాలు తీసుకోవడం అంటే ఆయనకు నచ్చని మెచ్చని విషయం.

దైవపూజ, సోదర - సోదరీ ప్రేమ, ఆయన చిన్నతనం నుంచి వచ్చిన లక్షణాలు. నిజ జీవితంలో పలకరించే ప్రతివ్యక్తిని అన్నాదమ్ములు, అక్కాచెల్లెళ్లలా భావించి ఆప్యాయతను పంచే వ్యక్తి. ఆయన ఈ అరవై సంవత్సరాలలో దగ్గర వ్యక్తిగా ఆయనలో విసుగు - విరామం, అలసట - చిరాకు, భేద భావాలు ఎప్పుడూ చూడలేదు. ఇలా ఎప్పుడూ ఒకేలా ఉండే వ్యక్తులు ఇంకెవరైనా ఉంటే వారిలో వెంకటరమణే అగ్రగణ్యుడు.

ఆయన శరీరానికి ఇచ్చే విశ్రాంతి కేవలం అయిదారు గంటలు మాత్రమే (రాత్రి ఒంటిగంట నుండి ఉదయం ఆరు) ఇంకా సమాజం కోసం ఏంచేయాలి అనే తపనతో ఎప్పుడూ ఆయన మెదడుకు విశ్రాంతి ప్రకటించలేదు.

ఆయన ఇలాగే మంచి ఆలోచనలతో మంచిపనులకు పూనుకొనే శక్తి భగవంతుడు ఇవ్వాలి. జీవిత సహచరి అయిన మా అమ్మాయి సాయిలక్ష్మి, భర్తకు ఇచ్చే సహకారం ఆదరణ, ఎంకరేజ్‌మెంట్ ఆయన బలం. ఇక ఆయన ముగ్గురు పిల్లలు కడిగిన ముత్యాలు. తండ్రి నోటినుండి ఊడిపడ్డట్టు ప్రవర్తిస్తారు. వెంకటరమణ చిరాయుష్కుడై వయస్సుతో నిమిత్తం లేకుండా అందరికి తనవంతు సాయం, దైర్యం, స్ఫూర్తి అందించాలని ఆ భగవంతుడ్ని ప్రార్థిస్తున్నాను.

నీ ఆత్మీయుడు

కలిగొట్ల విశ్వేశ్వరరావు.

విశ్రాంత రక్షణశాఖ ఉద్యోగి.