ఈ పుట అచ్చుదిద్దబడ్డది
దిక్కులన్నీ గదుల ఉయ్యాలో
కూతలే బెట్టింది ఉయ్యాలా
గంగనే బిలువంగ ఉయ్యాలో
కేకలే ఏసింది ఉయ్యాలా
రావె రావె గంగ ఉయ్యాలో
రాతిపొరలు దాటి ఉయ్యాలా ॥బతుకమ్మ॥
దిక్కుతోచని గౌరి ఉయ్యాలో
పరుగు దీసినాది ఉయ్యాలా
అలసిపోయిన గౌరి ఉయ్యాలో
అడుగు కదలక పాయె ఉయ్యాలా
ఎక్కడున్నవు గంగ ఉయ్యాలో
ఒక్కసారి రావె ఉయ్యాలా ॥బతుకమ్మ॥
బంగారు నా చెల్లె ఉయ్యాలో
బతిమలాడుతున్న ఉయ్యాలా
రావె రావె గంగ ఉయ్యాలో
నా ముద్దు చెల్లెలా ఉయ్యాలా
ఎక్కడున్నవు గంగ ఉయ్యాలో
అక్కకోసం రావె ఉయ్యాలా ॥బతుకమ్మ॥
సుక్కనీరు లేక ఉయ్యాలో
సొక్కిపోతిని గంగ ఉయ్యాలా
తప్పు నాదే చెల్లె ఉయ్యాలో
అక్క గోసను జూడే ఉయ్యాలా
తరలి రావె గంగ ఉయ్యాలో
తప్పొప్పుకుంటున్న ఉయ్యాలా ॥బతుకమ్మ॥
అంబటి వెంకన్న పాటలు
58