పుట:Ambati Venkanna Patalu -2015.pdf/377

వికీసోర్స్ నుండి
ఈ పుట అచ్చుదిద్దబడ్డది

ఆకాశంలో మెరిసే....



ఆకాశంలో మెరిసే పున్నమి వెన్నెల రావమ్మా
ఆడపిల్లలను చంపేవాళ్ళను మనుషుల జేయమ్మా
చల్లని మనసును ఇవ్వమ్మా
అయినవాళ్ళే రాబందులయ్యి సంపుకతింటారే
నా కన్నవాల్ళే కాటికిబంపే యములై పోతారే
వీడని గ్రహణాలైతారే.. ॥ఆకాశంలో॥

కడుపులో బిడ్డ ఆడపిల్లయని తెలుసూకుంటారే
కత్తులే దూసి కన్నా పేగుని కరుగాదీస్తారే
సంపలేని తల్లి ఆడపిల్లలని ఊయల లేస్తాదే
సందమామాకన్న అందమైనా బొమ్మనమ్ముకుంటాదే
అంగడి సరుకును జేస్తాదే.. ॥ఆకాశంలో॥

కొడుకు బుడితేసాలు కొండంత అండని పొంగిపోతారే
కోడెనాగులయ్యి ఆడపిల్లలను కాటూ వేస్తారే
పుట్టినా ప్రతి ఆడపిల్లను ఎట్టీకేస్తారే
పుట్టనీ ఆ కొడుకూ కొరకు పూజలుజేస్తారే
పాముకు పాలూబోస్తారే ॥ఆకాశంలో॥

అమ్మశక్తియని కొలిసిన కాలం ఏమైపోయిందే
ఆదిశక్తియని తలసిన లోకం ఎటువైపెల్లిందే
నాటినుండి ఈ ఆడ బతుకునిండా చీకటే కమ్మిందే
కాటిలో కలిసిపోయే దాకా విడిచే పోనందే
ఆరని చితియై రగిలిందే... ॥ఆకాశంలో॥

377

అంబటి వెంకన్న పాటలు