జలజలజల వానరా..
జలజలజల వానరా వాగు లేక పాయెరా
యాడజూడు సెరువు కుంట జాడ లేక పాయెరా ॥జలజల॥
ఆకాశం నుంచి గంగ నేలరాలి వరదలయ్యి
నిలువనీడ లేక తాను ఉప్పునీటి పాలాయె
భూమాత ఒడిన గంగ కంపూ కాలుష్యమయ్యి
మురుగునీటి మడుగయ్యి అడుగంటి ఎండిపాయె
నీరు పాతాళం జేరంగ పల్లెతల్లి అల్లాడే ॥జలజల॥
పత్రికలు టీవీల్లో నీటి పొదుపు కోసమని
ప్రకటన జేయించి వాళ్ళు చేయి దులుపుకునుడాయె
కూట్ల రాయి దియ్యనోడు ఏట్ల రాయి చెస్తమని
నదుల నీళ్ళు మలిపి ఆనకట్టలెన్నొ గడుతమనె
వరదనీటి నాపలేని వగలమారి నాయకులు ॥జలజల॥
నీటి బొట్టు మీద కట్టు కథలెన్నొ జెప్పెటోల్లు
కల్లబొల్లి మాటలతో కాలమెల్ల దీసినారు
మేఘాలను మధించగ యాగాలు జేసెటోల్లు
జలయజ్ఞం పేరుతోని జనం కడుపు గొట్టినారు
చెరువు గండ్లు పూడ్చలేని చేతగాని నాయకుడు ॥జలజల॥
గలగల పారేటి మూసి నవుసుకుంట నడిసింది
మురికినీటి కాలువయ్యి ముక్కు మూసుకుంటుంది
నదులు కాలువలెండి గొలుసుకట్టు ఊడింది
అంబటి వెంకన్న పాటలు
370
