పుట:Ambati Venkanna Patalu -2015.pdf/36

వికీసోర్స్ నుండి
ఈ పుట అచ్చుదిద్దబడ్డది

బంగరు వన్నెకాడ



బంగరు వన్నేకాడ సింగుని తోటా కాడా
ముచ్చెట బెట్టుర పిలగో సందమామను ఎక్కీ
ముద్దులు బెట్టుర పిలగో లేత పెదవికీ జిక్కీ ॥బంగరు॥

ముద్దూ మొకమూదాన ముత్యం లాంటిదాన
మూతి ముడువకె పిల్లో నీకు ముద్దుల పిచ్చీ
పొద్దూ బాయెనె పిల్లో నీకు నాకు కచ్చీ ॥ముద్దూ॥

భూమి దున్నిన కాడ బుగ్గా గిచ్చిన కాడ
నాటు ఏసిన కాడ కోతా గోసిన కాడ
నడుములెత్తర పిలగో నీ ముక్కుల లిక్కీ
నాగా లోకంబాయె నా పానం జిక్కీ ॥బంగరు॥

భూమి దున్నే మిషినీ బుగ్గాబాయికి మిషినీ
వరి కోతకు మిషినీ వంగే నాటుకు మిషినీ
నడుమూ లొంచిన దేడా నీ బుగ్గలు గిచ్చీ
నాట్యమాడిన దేడ నా పానం జొచ్చీ ॥ముద్దూ॥

మెదా జుట్టిన కాడ ఎదా తాకిన కాడ
మోపు ఎత్తిన కాడ కుప్పా గొట్టిన కాడ
రాగమెత్తర పిలగో మలిసీ కొట్టేటోడ
రాశి నీదే పిలగో పోలు దిరిగేటోడా ॥బంగరు॥

కుప్పా నూర్చే మిషినీ ఎల్లాగాసే నుషినీ
రయ్యు రయ్యున వీసే సల్లాగాలికి మిషినీ
నువ్వూ నేను మిషినే నా కూలొల పిల్లా
దాని ధాటికి తాలే నా మరదలు పిల్లా ॥ముద్దూ॥

అంబటి వెంకన్న పాటలు

36