నడువర సోదర..
నడువర సోదరా నడువరా
మన పాదయాత్ర సాగుతుందిరా
అలుపులేక అడుగులెయ్యరా
మన బెస్త బతుకు ఆగమయ్యెరా ॥నడువరా॥
వలలో....వలలో....వలలో. . వలలో
పురాణాల కాలంలో మహావిష్ణువవతరించ
మొదటి జన్మనిచ్చెను మన సాపరా
అడవులన్ని తిరిగి అలసి ఆగిపొయిన రామునికీ
బాట జూపినోడు మన గుహుడురా ॥నడువరా॥
వలలో.... వలలో.... వలలో. . వలలో
నీటిలోన పుట్టిన జలజీవులెన్నొ తినిచూసి
సాపను అందించినోడు బెస్తరా
సంద్రంపై తేలియాడ అలలమీద ఉరుకులాడ
సాపలోలె ఈదిందే మనమురా ॥నడువరా॥
వలలో.... వలలో....వలలో.... వలలో
భూమి మీద ఖండాలను ఒకటిగ జేయంగ మనము
ప్రాణాలకు తెగించి కదిలామురా
దేశదేశాల నడుమ సంబంధం కలపంగ
సంద్రంలో దిక్సూచే మనమురా ॥నడువరా॥
వలలో.... వలలో....వలలో... వలలో
సప్తమహా సముద్రాలు ఉప్పొంగిన జడవకుంట
కలెదిరిగిన హెన్రీ మనవాడురా
భారత పశ్చిమ తీరం చేరిన వాస్కోడిగామ
తెగువతోని ముందుకు నువ్ కదలరా ॥నడువరా॥
335
అంబటి వెంకన్న పాటలు
