అంబాడిరో
అంబాడీరో ఇది లంబాడీరో
అదిరిందీరో జత కుదిరిందిరో
జింకల్లే ఉన్నాది జుంకాల పోరీ ॥అంబాడీరో॥
అడవి మల్లెపూవోలే అందమైనదీ పోరీ
కొండమల్లెపూవ్వోలె కొంటెతనం శానిదీ
బొండుమల్లెలా నువ్వు గప్పుగప్పు మంటుంటే..
మనసే మత్తెక్కి నాకు మైకమేదో కమ్మిందే ॥అంబాడీరో॥
సిగ్గుమొగ్గలేసేనే నీ చిట్టి అందాలు
కళ్ళలోన దాగుండే కాటుకంటి గారాలు
గదుమమీది పచ్చబొట్లు నన్నుగాబరా జేసేనే..
గడికీ నీ నడుంవొంపులు నన్ను గల్తి జేసేవే.... ॥అంబాడీరో॥
ముంజేతి గాజులు నీ మోచేయి దాకేసి
మురిపెంగా నీ చూపు నావైపు పారేసి
ఇప్పుడేమి పట్టనట్టు ఇసురుకుంట బోతుంటే..
నిల్వున నాప్రాణమంతా జివ్వుమంటూ లాగేసేనే ॥అంబాడీరో॥
బిళ్ళగొలుసులెన్నో నీ మెడ మీద హారాలు
వొదులుకుంట నీకోసం నిద్ర ఆహారాలు
జట్టుగట్టి నాయింట జత గూడి ఉంటానంటే...
జుంటు తేనె తాగుటకు పోతుటీగనై పోతానే ॥అంబాడీరో॥
బంగారు మేనిరంగు ఒలికే సింగారాలు
గల్లు గల్లునొస్తుంటే కులికే వయ్యారాలు
అద్దాల పూలతోట ముద్దుగ నడిసెల్లిపోతే...
నీ అడుగుల్లో నా పానం అల్లాడీ పోయేనే ॥అంబాడీరో॥
అంబటి వెంకన్న పాటలు
32