పుట:Ambati Venkanna Patalu -2015.pdf/301

వికీసోర్స్ నుండి
ఈ పుట అచ్చుదిద్దబడ్డది

నోటికదుపులేదా నీకు..



నోటికదుపు లేద నీకు మంత్రీగారు
గెలిసి గద్దెనెక్కి మీరు మాట్లాడ్తరు ॥నోటి॥

ఉల్లిగడ్డ గొయ్యబెట్ట ఏడ్పిచ్చి సంపుతుంది
కొత్తిమీర కర్రెపాకు కొనలేరని నవ్వుతుంది
మంచినూనె మందలిస్తె మసిలి మీద జిల్తుంది
తాలింపు గింజలన్ని తల్లడిల్లి తంతుంటే ॥నోటి॥

టామాట మారుమాట లేని భేరమయ్యెనంట
దొసకాయ రేటడిగితె నోరు సేదు గొట్టెనంట
బెండకాయ బీరకాయ బెంబేలెత్తించెనంట
నలబై కిలగొనగలిగితె నవ్వుకుంటొచ్చెనంట ॥నోటి॥

కోపను బియ్యందెచ్చి వండుకొని తినేమాకు
పచ్చిపులుసు పప్పుచారు కారం పచ్చడె మాకు
చింతపండు చెట్టెక్కే చింత దప్పదాయె మాకు
పచ్చడ కారాలు నూరె నోరు మండె మీ ఘాటుకు ॥నోటి॥

పెసరుపప్పు దినబోతె కసరు కసిరి గొడుతుంది
కందిపప్పు కొందమంటె తీసి వంద బెడుతుంది
ఎర్రపప్పు శెనిగెపప్పు ఎర్రిలేపి సంపుతుంది
శనివారం ఎంతమొక్కు ఒక్కపప్పు ఉడుకదాయె ॥నోటి॥

301

అంబటి వెంకన్న పాటలు