పుట:Ambati Venkanna Patalu -2015.pdf/299

వికీసోర్స్ నుండి
ఈ పుట అచ్చుదిద్దబడ్డది

కడుబీదల బతుకుల్లో...



కడుబీదల బతుకుల్లో వెలుగు నింపగా తెలంగాణలో
కదిలిండు జననేత సూర్యతేజమై జనందారిలో ॥కడు॥

అన్నదాత రైతన్నకు ఆపదేందనీ
ఆత్మహత్యజేసుకునే కాలమేందనీ
అగ్గిపెట్టెలో పట్టే చీర నేసినా
బుగ్గిపాలు అయిపోయిన బతుకులేందనీ
కుటీర పరిశ్రమలు కూలుడేందనీ
కూడులేక పేదలు అల్లాడుడేందనీ
పటపటమని పండ్లుగొరికి కదులుతున్నడో జనందారిలో
తొడగొట్టి సవాలిసిరి సాగుతున్నడో జనందారిలో ॥కడు॥

చెరువుకుంటలా జాడా యాడలేదనీ
సేతివృత్తులా సేతులు ఇరిగెనేందనీ
గంగవరంపోర్టుకాడ బెస్త బోయులు
గతిలేని వాల్లుగ మిగిలున్నరేందనీ
కులవృత్తీదారులను కుప్పగూల్చగా
అభివృద్ధి ఫలాలను దోసుడేందనీ
అందరినీ ఏకమయ్యి కదలమన్నడో జనందారిలో
అదునుబోతె రాదు అడుగులెయ్యమన్నడో జనందారిలో ॥కడు॥

తాగనీల్లులేక తనుకులాట ఏందనీ
ఫ్లోరిన్ ఇసమునీళ్ళ శాపమేందనీ
దగ్గుదమ్ము గోలిలేదు దవాఖానలో
మందులన్ని మనమె కొని సచ్చుడేందనీ

299

అంబటి వెంకన్న పాటలు