ఈ పుట అచ్చుదిద్దబడ్డది
పిల్లలం - బడిపిల్లలం
పిల్లలం బడిపిల్లలం-మల్లెలం మందారలం
పిడుగులం మేము బుడుగులం బందెట్లో మూగజీవులం
తల్లీ దండ్రీ గురువులెవ్వరూ
మా మదిలోన ఉన్నది గానరూ.. ॥పిల్లలం॥
పిట్టెలోలె గూడుగట్టాలనీ ఉంటదీ
పురుగులోలె మట్టిలాడాలనీ ఉంటదీ
సాపలోలె నీటిలీదాలనీ ఉంటదీ
కనుపాపలోలె మీరు జూడాలనీ ఉంటదీ ॥పిల్లలం॥
కాకులోలె గోల జెయ్యాలనీ ఉంటదీ
కోయిలోలె కూత గుయ్యాలనీ ఉంటదీ
దూడలోలె దుంకులాడాలనీ ఉంటదీ
దుడ్డుగట్టెతో మీరు గొట్టొద్దనీ ఉంటదీ ॥పిల్లలం॥
చెట్లోలె ఆనకు దడవాలనీ ఉంటదీ
సినుకులోలె వరద గావాలనీ ఉంటదీ
ఎద్దులోలె గుద్దుకోవాలనీ ఉంటదీ
ముద్దుతోనే బుద్ది నేర్పాలనీ ఉంటదీ ॥పిల్లలం॥
అంబటి వెంకన్న పాటలు
288