కలెదిరిగి సూడరనేల
కలెదిరిగి సూడరనేల
కాంతులీను బంగరునేల
తెలుగు సీమ నేనెక్కడ బోయిన కానరాదు బంజరునేల
గోల్కొండ ... బంగరు రంగుల కోట
విలసిల్లే ఆసియాలో అందరినోట ॥కలెదిరిగి॥
వాగులు వంకలో చేపపిల్లలు
చెంగున ఎగిరి దునుకు తుండెగా
పచ్చని పైరులు ఊగి ఆడగా
పల్లెతల్లి పులకించి పాడగా
గడ్డిపూల అందము జూసి ఎడ్డి గుడ్డిగ బతికేయొచ్చు
తెలంగాణ..... తీరొక్క రంగుల నెలవు
మదిలోన..... నిలిచిపోయె బొమ్మల కొలువు ॥కలెదిరిగి॥
సేతి వృత్తులు బువ్వ బెట్టగా
సెయ్యిజాపక బతికిన రోజులు
కల్లుమీద వచ్చిన సొమ్ము
ఖజానాలు అలుగెల్లి పాయెగా
కన్నుగుట్టిన ఎందరో రాజులు కడదాకా ఓర్వనిపోరులు
ఓయమ్మా....సౌభాగ్యం నిండిన తల్లి
నిలువెల్లా.... నిను దోసిన జడవని తల్లి ॥కలెదిరిగి॥
సెలయేళ్ళు పొంగి పొర్లగా
నెమళ్ళ గుంపు నాట్యమాడగా
వజ్రపురాసులు కుప్పనూర్చగా
అంబటి వెంకన్న పాటలు
268