సామెతలు ఇప్పీ సెప్పుతరో... మాయన్నల్లారా
బీసీలను విడదీస్తుంటరురో ॥ఎట్ల॥
బాంచన్‌దొరా కాలుమొక్తం అన్న కాలం బోకాపాయె
బతిలాడి వాళ్లని మనమూ వీరునోలె జేసుడాయె
మనమిచ్చిన గుండే ధైర్యంతో... మాయన్నల్లారా
ఎడబాపె కుట్రలు జేసినరో ॥ఎట్ల॥
గ్రామస్థాయినించీ మొదలు అసెంబ్లీ దాకా జూడు
అగ్రకులామోలె అంతా అడుగు బెట్టానియ్యరు మననీ
అణిచి వేసే కుట్రలు జేసెనురో... అధికారంతోనీ
మనని కలిసి ఉండానియ్యరురో ॥ఎట్ల॥
స్వాతంత్రం రాకాముందు సంగతేమి అడుగుతలేను
తెలంగాణ ఆంధ్ర గొడవ అసలు నేను తేనే తేను
ఐదుశాతమున్న జనమేరా... అరవయేండ్లా సందీ
అన్ని హక్కులనుభవించెనురా... ॥ఎట్ల॥
యాబయైదు నించీ మొదలు రెండువేల నాలుగు వరకు
మూడువేల రెండొందాల మంది శాసన సభకొచ్చినోల్లు
రెండువేల పై చిలుకందరురో... అగ్రకులమోల్లుంటే
మూడొందలు బీసీలున్నరురో... ॥ఎట్ల॥
అధికారం అందూకున్నరు అందలాలు ఎక్కుతున్నరు
పదిహేను శాతం వాల్లు పరిపాలన జేసుతున్నరు
ఎనబయ్యయిదు శాతం మనవాల్లు... మట్టితల్లి బిడ్డలు
ఎట్టి జేసి బతుకుతున్నరురో... ॥ఎట్ల॥
అంబటి వెంకన్న పాటలు
254
