ఎట్ల మారును...
ఎట్ల మారును ఎట్ల మారునురా... ఎనకబడ్డా బతుకులు
ఏడ జూసిన అగ్రాకులమేరా...ఏమీజేదూ కర్మా ॥ఎట్ల॥
మనకు గుడిసే లేనప్పుడాల్లు మిద్దెలల్లో ఉన్నారంట
మిద్దెలల్లో మనమొచ్చి ఉంటే వాల్లు బంగ్ల గట్టీరంట
అంతరాల భేదం బెంచినరో ... అన్ని రంగాలల్ల
అందుకునే మార్గం మూసినరో.... ॥ఎట్ల॥
కులవృత్తూలల్లా జేరి కూడు దొరకాకుంట జేసే
సేతివృత్తులల్లా జేరి సేతులిరిసి పొయిలా బెట్టే
అభివృద్ధి పేరుతో వాళ్ళంతా... యంత్రాలను దిప్పీ
అడుకతినేటోల్లను జేసినరో.... ॥ఎట్ల॥
మనకు ఉన్న రిజరువేషన్ మారుపేర్లతొ గొట్టినారు
ఉద్యోగాలు సదువూలల్ల ఉన్నంతగా ఎదిగినారు
అగ్రకుల పేదల పేరూనా... బలిసినోల్లు ఇపుడు
బక్కోని కడుపులు గొడుతున్నరో... ॥ఎట్ల॥
భూమి మీద పెద్దలు వాల్లే భుక్తి మీద గద్దలు వాల్లే
ఉద్యమాలు పోరాటాలు అన్ని వాల్ల ముక్తి కొరకే
జిత్తులామారెత్తులు వేసెనురా... మనని సంపీ వాల్లు
వీరులంటూ పాటలు పాడెనురా.... ॥ఎట్ల॥
కమ్మకట్టు కులమోల్లంటూ కలిసి ఉండలేనోల్లంటూ
కట్టుకథలు జెప్పి మననీ జట్టుగట్ట నియ్యరు బిడ్డా
253
అంబటి వెంకన్న పాటలు