ఈ పుట అచ్చుదిద్దబడ్డది
కదలరా నువ్వు నడవరా
కదలరా నువ్వు నడవరా ఓ అణచబడ్డ నా సోదరా..
ఎదిరించి ముందడుగు వెయ్యరా నీ పాలనొచ్చె దాక నడువరా
పొలికేకలు బెట్టి తరుమరా
నువ్వు పోరుజెండానెత్తి నడువరా ॥కదలరా॥
చాతుర్వర్ణ సిద్ధాంతంలో సూదరోల్లమై బతికినం
చరిత నిండినా అబద్దాలను కర్మా అనుకుంటూ మోసినం
అగ్రకుల అధికారంలో అవిటివాళ్ళయ్ మిగిలినం ॥కదలరా॥
తెల్లదొరల పరిపాలనలో కాయకష్టమే జేసినం
నావాబులేలిన రాజ్యంలోన బికారులోలే బతికినం
భూస్వాముల నాటి శెరలింకా దీరక బాంచలన్నట్టె ఉన్నము ॥కదలరా॥
పోరాడె తెగువను జంపి అమ్మ అయ్యంటు అడిగినం
ఐదుపదుల స్వాతంత్రంలో అద్రగానమే అయ్యినం
ఇగనన్న మనమంత ఏకమై మన బీసీల రాజ్యం కోసమై ॥కదలరా॥
245
అంబటి వెంకన్న పాటలు
