ఎదురి నిలిసి
ఎదురు నిలిసి తిరగబడతరా - ఏలెటోని కావలుంటరా
బడుగు జనులకు దాపుగుంటరా - తోటివాళ్ళనె తొక్కుతుంటరా
తేల్చుకోండిక తమ్ములారా-దళిత బహుజన బిడ్డెలారా
అదునుబోతే మల్ల రాదయ్యో మాయన్నలారా....
అగ్రకులముకు లొంగి పోవొద్దో మాతమ్ములారా..... ॥ఎదురు॥
వెన్నుజూపక తిరిగినోల్లం వెన్నుపోటు దెలువనోల్లం
నీతికి న్యాయానికై మేం నిలువెల్లా కాలినోల్లం
కాలమెంతా మారుతున్నా ప్రగతిని సాధిస్తవున్నా
బతుకుభారం దీరదాయె నిత్తెపోరు దప్పదాయె
ఎంగిలిస్తరి మెతుకులాకై ఎదురు సూడక తప్పదాయె...
మంచికి..... సోటేడ ఉంది
మంచికి సోటేడ ఉందయ్యో మాయన్నలారా...
మానవత్వం జాడ లేదయ్యో మా తమ్ములారా.... ॥ఎదురు॥
మన భూములు గుంజుకుండ్రు బానిసల్ని జేసుకుండ్రు
పాటేలు దొరలమంటూ పెత్తనాన్ని పెంచుకుండ్రు
ఎదురుదిరిగీనోల్ల నెప్పుడు కన్నశెరలు బెట్టుతుండ్రు
ఊడిగంలో ముంచి మనని ఊర్లకూర్లకు పంచుకుండ్రు
కుట్రలకు బలియవ్వకుండా కుటిలనీతికి లొంగకుండా...
చేతివృత్తులు...... తెగువ జూపగ
చేతివృత్తుల తెగువ జూపండో మాయన్నలారా...
అభివృద్ధికి ఆదిమనమయ్యో మాతమ్ములారా.... ॥ఎదురు॥
239
అంబటి వెంకన్న పాటలు
