సక్కధనాల తెలంగాణరా ఒక్కతీరుగా రగులు తుండెరా
వొళ్లో కొచ్చిన తెలంగాణరా
మహా మాయల అగ్రకులమురా కుళ్ళిన కూటమి ఎత్తుగడలతో
కుప్పగూల్చగా తయారయ్యెరా
తెలంగాణపై తలో తీరుగా మాటలాడుతుండ్రో నాయనా
తెగువజంపుకొని మంది మూతులు నాకుతున్నరేందో నాయనా ॥అన్నన్నా॥
కులములేదని మతము లేదని ఎర్రజెండలు ఎగురుతుంటయి
కులసంఘాల వింగుపెడతయి
గాడిద గుర్రం ఒక్కటె అంటూ కులవృత్తులలో కుంపటి బెట్టగ
ఎత్తులేస్తరు ఎగదోస్తుంటరు
అగ్రవర్ణముల కులము సంఘము అట్నే ఉంటదిరో నాయనా
అధిక జనం గల బడుగు జీవులను కూడనియ్యరయ్యో నాయనా ॥అన్నన్నా॥
నాలుగు జెండలు రెపరెప లాడగ నాయకులంతా ఒకటైపోయిరి
నాలుకలేని మనుషుల జేసిరి
సిద్ధాంతాలను పక్కకు బెట్టిరి నెత్తుటి జెండకు రంగులద్దిరి
సాయుధపోరని సంకలు గుద్దిరి
సద్దిగట్టుకొని గోషిబెట్టుకొని జిందాబాదంటం నాయనా
గుడిసె భూమికే ప్రాణాలిచ్చే గుడ్డి బతుకు మాదో నాయనా ॥అన్నన్నా॥
తెలంగాణ సిద్ధాంత కర్తలు విద్యావంతులు బుద్ధిమంతులు
కవులు కొందరు కళాకారులు
అలిసిపోయినరు అమ్ముకున్నరు తెలంగాణను తెర్లు జేసినరు
కూటమి అంగడి సింగిడన్నరు
కూసొని బతికే అగ్రకులాల కుట్రలు జూడయ్యో నాయనా
పదవులకాడ అందరువాళ్ళే పనికిరాము మనమో నాయనా
అంబటి వెంకన్న పాటలు
232