పుట:Ambati Venkanna Patalu -2015.pdf/217

వికీసోర్స్ నుండి
ఈ పుట అచ్చుదిద్దబడ్డది

ఓ పిల్లో నువ్వు....



ఓ పిల్లో నువ్వు సయ్యంటు వస్తావా
జాబిల్లో నేను అడిగింది ఇస్తావా
సకిలించే గుర్రాల సౌకుదోలినోన్ని
పొగరుబోతు గిత్త మెడలు వంచీనోన్ని
కొండరాళ్ళను పిండిజేసేటి మొనగాన్ని
కోటి సూర్యప్రభల తేజమున్నావాన్ని ॥ఓపిల్లో॥

పో పిలగో నా పొంకనాలెంకన్న
ఏందయ్యో పెద్ద నీగొప్ప లంతేనా
పండూ వెన్నెల పాలుబోస్తే తాగినదాన్ని
నిండూ పున్నమి నీడనిస్తే పెరిగినదాన్ని
సప్తసంద్రాలల్ల ఆటలాడినదాన్ని
చంద్రవంకను నేను సిగల బెట్టిన దాన్ని ॥పోపిలగో॥

సందెగాలికి నేను చిందులాడేటోన్ని
సందమామల పులుసు ఆరగించేటోన్ని
సల్లగాలికి పింఛమిప్పి ఆడే నెమలి
సందెవేళకు దెచ్చి నీకిస్త కోమలీ ॥ఓపిల్లో॥

గాలీ వానకు నేను గంతులేసేదాన్ని
పారేటి వరదల్లో పరుగులెత్తేదాన్ని
నల్లగొండ నాగిరెడ్డి పెల్లీ నాదీ
నువ్విచ్చే ఆ నెమలి కోడిపెట్టే నాకు ॥పోపిలగో॥

217

అంబటి వెంకన్న పాటలు