కాలిగజ్జెగట్టుకోని..
కాలిగజ్జె గట్టుకోని ఆటాడుదమా
కమ్మని రాగాల గొంతెత్తుదమా
బాధలేడ ఉంటె ఆడ పాటబుట్టునంటరా
బానిసత్వమున్న కాన్నె పోరుబుట్టునంటరా ॥కాలి॥
గద్దరన్న వెంట జనం ప్రవహించే పాటయ్యి
విమలక్క వెంట నడిసె విప్లవాల పిడుగయ్యి
అసోయ్ ధూలా అడుగుల్లో రసమయన్న దరువయ్యి
అలుపెరుగని పోరాటం నడుపుతున్నదీ పాట
మిత్ర పాట దండోరై భూమి దద్దరిల్లెనే
మిడుతల దండోలె వచ్చె ఆంధ్రోన్నెదిరించెనే
అగ్గిరవ్వలై దునికే అంబటి వెంకన్న పాట ॥కాలి॥
నిన్నగాదు మొన్నగాదు ఉన్నదొక్క బాధ గాదు
నీకు నేను నాకు నువ్వు జెప్పుకుంటే తీరిపోదు
యాబయ్యేండ్లు దాటిపాయె ఎన్కటున్న బత్కుబాయె
ఎన్నడన్న తెలంగాణ నిమ్మలంగ లేకపాయె
ఆంద్రోల్లు జూడుతమ్మి ఎట్ల జేస్తుండ్రో
ఆంగ్లేయుల మించి వాల్లు దోస్క పోతుండ్రో
గల్లు గల్లు మంటూ వాళ్ళ సుద్దులన్ని జెప్పంగ ॥కాలి॥
ప్రత్యేక తెలంగాణ ప్రానాలు బోతుంటే
పార్టీలు పాడుగాను పూటకొక్క మాటమార్చె
సీమాంధ్ర బాబులంత శివాలెత్తి ఊగుతుంటే
అంబటి వెంకన్న పాటలు
206