పుట:Ambati Venkanna Patalu -2015.pdf/205

వికీసోర్స్ నుండి
ఈ పుట అచ్చుదిద్దబడ్డది

అన్ని దెలిసినోల్లేమో ఎనకపట్టుబడుతుండ్రు
అందినంత మూటగట్టి ఆంధ్ర భజన జేస్తుండ్రు
తెలంగాణ దేకుంట సమైక్యమంటోన్ని నమ్మి
మనల ముంచుతున్నరో నమ్ముకున్న నాయకులు
మాయ మాయ జెసెరో నీతిదప్పినా కొడుకులు
తెలంగాణ ద్రోహులను తరుముదాము లేవరో ॥దునుకరో॥

మననీల్లు మన పాలన మనకే గావాలనీ
మనభూములు మనకొలువులు మనకే దక్కాలనీ
తెలంగాణ పదిజిల్లల ఇంచునిడువగూడదనీ
మనమీద పెత్తనాలు మందికెట్ల ఉంటయనీ
తెలంగాణ ఇయ్యకుంట మసిబూసేటోని మీద
రణము జేయ నడువరో తెలంగాణ తమ్ముడా
రాజ్యమేలుకుందమో తెలంగాణ చెల్లెలా

మాయజేసెటోల్లని తెలంగాణ తమ్ముడా
పొలిమెర దాటిద్దమో తెలంగాణ చెల్లెలా
అదునుబోతె రాదురో తెలంగాణ తమ్ముడా
ఆగమయ్యి పోతమో తెలంగాణ చెల్లెలా
ప్రజా తెలంగాణకై తెలంగాణ తమ్ముడా
పాలపిట్టె బిలిసెరో తెలంగాణ తమ్ముడా
తెలంగాణ ద్రోహులను పొలిమెర దాటిద్దమో ॥దునుకరో॥

205

అంబటి వెంకన్న పాటలు