పుట:Ambati Venkanna Patalu -2015.pdf/204

వికీసోర్స్ నుండి
ఈ పుట అచ్చుదిద్దబడ్డది

పావలా వడ్డితోని పరేషాను ఉంది సూడు
ఓటుకొక్క కోటరిచ్చి మల్లముంచిపోతడాడు
తెలంగాణ తేకుంట అభివృద్ధి పేరుతోని
కోట్లు మూట గట్టెరో దొంగ తెల్వులున్నోల్లు
జనం కడుపుగొట్టెరో దగుల్బాజీ నాయాల్లు
తెలంగాణ ద్రోహులను తరుముదాము లేవరో ॥దునుకరో॥

కాంగ్రేసు కమ్యునిస్టు బీజేపీ టీడీపీ
గోడమీది పిల్లోలే గోతికాడి నక్కోలె
ఎప్పుడెట్ల దిరుగతరో ఎవనికొంప ముంచుతరో
బుక్కముచ్చు పార్టీలను బుజ్జగించెదేందిరా
తెలంగాణ తేకుంట అభివృద్ధి పేరుతోని
ఏండ్లు గడుపుతున్నరో మోసకారి తనముతో
ఏమిజేయకుందుమా ఎదురుదిగ్గకుందుమా
తెలంగాణ ద్రోహులను తరుముదాము లేవరో ॥దునుకరో॥

వలసాంధ్ర పాలన భలె కమ్మగుంది అనుకుంట
సంలాంగొట్టి గులాంగిరి జేసేటోల్లు బెరిగెనంట
సమైఖ్యాంధ్ర సమ్మగని హరితాంద్రే అందమనీ
తెగువజంపుకొని మంది కాళ్లు బిస్కుతున్నరంట
తెలంగాణ రాకుంట కుట్రలెన్నొజేసి వాల్లు
కోట్లు మూట గట్టెరో రెండు నాల్కెలున్నోల్లు
జనం కడుపుగొట్టెరో నమ్ముకున్న నాయకులు
తెలంగాణ ద్రోహులను తరుముదాము లేవరో ॥దునుకరో॥

తెలిసి తెలువనీ జనము కోటరుకు ఓటేసి
పెత్తనాన్ని మందికిచ్చి బానిసలై బతుకుతుండ్రు

అంబటి వెంకన్న పాటలు

204