బక్కచిక్కిన డొక్కల్లో..
బక్కచిక్కిన డొక్కల్లో లెక్కల్లో చుక్కల్లా
తెలంగాణ వీదుల్లో...
అందరమొకటై కలవాలె
అవతలి వాన్ని గెలవాలే ॥బక్కచిక్కిన॥
అన్నల్లో తమ్ముల్లో పోరు జేసే వీరుల్లో
సిచ్చులు బెట్టిండ్రోయన్నో కుంపటి వేసిండ్రోయన్నో
చిన్నక్కో పెద్దక్కో సిగాలు ఊగే ఎల్లక్కో
కేకలు బెట్టకు నా తల్లో రక్తం గక్కి సస్తారు
ఏమీ దెలువని ఎడ్డిజీవులని ఎంతో మోసం జేసిండ్రు ॥బక్కచిక్కిన॥
మాయ శక్తి వచ్చింది మాఫియ నైజం చూపింది
పథకాలెన్నో వేస్తుంది పేదలకుచ్చు బెడుతుంది
మశ్శక్కో పోశక్కో కొలుపూజెప్పే గంగక్కో
గుడ్లు ఉరుమకు నా తల్లో గుండెలు బగిలి చస్తారు
విశ్వవిజేతలు వీరుల గెలిసే శక్తే నీదనుకుంటుండ్రు ॥బక్కచిక్కిన॥
డేగ రెక్కల ప్రపంచ బ్యాంకు సెరువారెంట వాలింది
పాటి మీద గూకుంది శవాల బీక్క తింటుంది
చిన్నక్కో పెద్దక్కో చిందులు దొక్కే మా తల్లో
మశ్శక్కో పోశక్కో నిలువున జీరే గంగక్కో
మాయశక్తిని పట్టాలె పెడ రెక్కలు విరిచి కట్టాలె
జుట్టుబట్టి కొట్టాలె పొలిమెర దాకా తరుమాలె ॥బక్కచిక్కిన॥
అంబటి వెంకన్న పాటలు
20
