నల్లనల్లని గుండెరా..
నల్లా నల్లని గుండెరా నలగొండ
నలుదిక్కులా నిండెరా నలగొండ
తెలంగాణ రైతాంగ పోరాటమందునా
సింగుడుడ్డిన కొండరా నలగొండ ॥నల్ల॥
వెండితెర రూపాలు మదిని గెలవంగా
వెన్నెల్లో పాటకు సిందేసి ఆడంగా
అలరారే గీతాలు సాహిత్య కుసుమాలు
సరిహద్దులే దాటి రాజ్యమేలంగా
జనగీతి రణభూమి రాగమెత్తంగా
జానపదరాగాలు జగతి నిండంగా
గ్రందాలయ భూదాన ఉద్యమం బుట్టంగా
దేశ దేశాలల్ల మన చరిత పలుకంగా
కొండల్లో.... నీలగిరి గుండెల్లో..... ॥నల్ల॥
రామసక్కని కొండ రంజిల్లె నలగొండ
రాసకొండలు రగిలె ఉద్యమాలకండ
విరబూసి ఎగిరే మోదుగు పూజెండ
విప్లవాల ఖిల్ల నా జిల్లా నలగొండ
పోరాట స్ఫూర్తి మన దొడ్డి కొమురయ్య
పొలికేకతో జనము బైలెల్లెనయ్య
రజాకార్లు దొరలు భూస్వాములంతా
కొమురయ్య ఐలమ్మ పాదాల చెంతా
కొండల్లో.... నీలగిరి గుండెల్లో..... ॥నల్ల॥
177
అంబటి వెంకన్న పాటలు