ఈ పుట అచ్చుదిద్దబడ్డది
సబ్బండ కులపోల్ల ఐక్యంగ నిలిపేటి
సర్వాయి పాపన్నవై నువ్వు వస్తావా
రారార రారార రారార రారారా
రాతిగుండెలు రగిలి రణరంగమే జేయ
రాష్ట్రాన్ని సాధించ కదిలొస్తరా...
జై తెలంగాణ ప్రతిగుండెలోన
జేగంటలూ మోగె జయశంకరా.... ॥జై తెలంగాణ॥
నలుదిక్కులా నువ్వె పొలికేకలేయంగా
నల్లసూర్యుడయ్యి నడిపించ వస్తావా
ఎనకడుగు వేయని కొమరంభీమువై
ఎక్కుపెట్టిన వీరవిల్లువై వస్తావా
ఏటవాలూ కొండ ఎదనిండ బాధుండ
ఎరుపెక్కిన ఎర్ర సూర్యుడై వస్తావా
సాయుధ నేలపై సంగ్రామ సమయాన
ఆయుధాల జమ్మిచెట్టువై పుడతావా
రారార రారార రారార రారారా
రాతిగుండెలు రగిలి రణరంగమే జేయ
రాష్ట్రాన్ని సాధించ కదిలొస్తరా...
జై తెలంగాణ ప్రతిగుండెలోన
జేగంటలూ మోగె జయశంకరా.... ॥జై తెలంగాణ॥
అంబటి వెంకన్న పాటలు
166
