తేట తెలుగు పదాలే...
తేట తెలుగు పదాలె నా పంచ ప్రాణము
తెలంగాణ తెలుగు భాష ఎంత జీవము
అమ్మపాల కమ్మదనం మన తెలుగు తీయదనం
ఊటలూరు మోటబాయి పాటలల్లె ప్రవాహం ॥తేట॥
ఓకొడుకా ఇల్లిడిసి యాడాదై పాయెరా
ఆరుద్ర ఒరుపిచ్చే ఆన సినుకు లేదురా
సడాకెందుకెక్కినవని లడాయింట్ల బుట్టినా
ఉర్దూ పద సంగమమే తెలుగు తేనె తీపిరా
పల్లె బతుకు వలసబోయిందిరా...
నువు జేసే కచ్చీరు యాడుందిరా...
తెలుగు సాహితీ ఘనతను జగతికి అందించగా
యుగయుగాలదీ భాషనే శాసనాలు వెలిసెగా ॥తేట॥
తెలంగాణ కాక బుడితె తెలుగు యాదికొస్తదా
తెల్లారే తెలుగుబోయి ఆంధ్రశబ్ధమైతదా
అసలు తెలుగు ఆదికవిని అందించిన నేలరా
ఆది తెలుగు శబ్దానికి ఆయువైన దరువురా
కోటిలింగాలల్ల కొలువైనదీ పాట...
నాగబ శబ్దాలు నర్తించేనీచోట...
దేశ భాషలందు తెలుగు లెస్స అని పలుకగా
తేనెలొలికే మన యాసను తొక్కిపెట్ట జూసినా ॥తేట॥
అంబటి వెంకన్న పాటలు
162