పుట:Ambati Venkanna Patalu -2015.pdf/155

వికీసోర్స్ నుండి
ఈ పుట అచ్చుదిద్దబడ్డది

కదలిరా...



కదలిరా తెలంగాణ భూమి పుత్రుడా
తరలిరా తెలంగాణ రైతు మిత్రుడా
విప్లవాలు ఉదయించిన వీరభూమి పిలుస్తుంది
ఉద్యమాల పురిటిగడ్డ రా రమ్మని అంటోంది ॥కదలిరా॥

గుండెలోని ఆశను మండె బోసుకున్న రైతు
దిగబాటు మడికట్లను దున్నుకున్న బక్కరైతు
నారుబోసి నాటేసి నవుసుతున్న పొలంజూసి
దోసిలొగ్గి నీల్లుదాపి తన దూపను మర్శిపోతె
కల్లంలో నదరు రాశి తూర్పాలతో ఎగిరిపోతె
మోసాన్ని నిలదీయ పోరు నాగలందుకొని ॥కదలిరా॥

ఎవసాయం సంగతేందో శ్రీవరీ సాగుయేందో
మూలమేదో జెప్పకుంట రోజుకో తీరుమాట
ఆలిపుస్తులమ్ముకొని ఇత్తనాలు కొనితెస్తే
పైసపైస అప్పుజేసి పురుగుమందులు గొడితే
దిగుబడే తక్కువంటే గిట్టుబాటు ఇయ్యరంట
ధర మనమే నిర్ణయించ చండ్రకోలలందుకొని ॥కదలిరా॥

బతికిసెడ్డ తెలంగాణ బంగపడ్డ తీరుఏందో
పచ్చని నా తెలంగాణ బీడయ్యిన గతిఏందో
మొఘలాయిల నెదిరించిన పాపన్న కాలంలో
పచ్చని పైరులతోని పరవశించినా తల్లి
మనభాష తెలుగంటూ మనమంతా ఒక్కటంటూ
మనబతుకును ముక్కలుగ చేసే నక్కల తరుమా ॥కదలిరా॥

155

అంబటి వెంకన్న పాటలు