కాదు మేము నవాబులం
కాదు మేము నవాబులం
గంజికి లేనీ గరీబులం
జంబూదేశపు వీధుల వెంట
గంటగొట్టి ఇల్లిల్లు దిరిగెటి
గంట పక్కీరోల్లం ॥కాదు॥
కటిక నేలపై దేశం కందిన కాలంలో
దుమ్ము, ధూళిని ఊపిరి జేసి
ఏకిన దూదిని పరుపులు గుట్టి
దగ్గి దగ్గి బతుకూ దబ్బున సావు దగ్గరయ్యీ
భోగ భాగ్యముల నిచ్చిన వాళ్ళం
దూదేకులోల్లం మేమీ జంబూ దేశపోల్లం
అల్లా ..... ఆ ..... ఆ ......ఆ ......
అల్లాకే నామ్ మాకే మాలుమ్ ॥కాదు॥
బంగరు వన్నెల గాజుల గలగలలో
పిల్ల గాజులని, తల్లి గాజులని
ప్రేమ గాజులని, పెళ్ళి గాజులని
పల్లెటూళ్ళ వెంట సుట్టూ గుడాలన్ని దిరిగీ
పల్లెకు పచ్చని కాంతులు దెచ్చిన
సాయబులోల్లం మేమే సౌభాగ్యము నిచ్చెది మేమే
అల్లా ..... ఆ ..... ఆ ...... ఆ .......
అల్లాకే నామ్ మాకే మాలుమ్ ॥కాదు॥
133
అంబటి వెంకన్న పాటలు
