పుట:Ambati Venkanna Patalu -2015.pdf/11

వికీసోర్స్ నుండి
ఈ పుట అచ్చుదిద్దబడ్డది

పల్లే ఓయమ్మా...



పల్లే ఓయమ్మా తెలంగాణ మాయమ్మా
తల్లీ ఓయమ్మా మా ప్రాణం నువ్వమ్మా ॥పల్లే ఓయమ్మా॥

బుసిబోసే కంకులల్లో నువ్వూ
పసిపోరల మనసులల్లో నువ్వూ
మోట బాయి పాల నువ్వు
బాయిలోని ఊట నువ్వు
ఆటకోయిల పాట నువ్వు
అందమైన పూలతోటా నువ్వేనోయమ్మా
ఓ బంగరు మాయమ్మా ॥పల్లే ఓయమ్మా॥

పరిగేరిన వరి గొలుసులల్ల నువ్వూ
గోసి బోసిన పడ్సులల్లో నువ్వూ
లేగ దూడల అరుపు నువ్వు
పాల ధారల పాట నువ్వు
కోడెదూడల సెండు నువ్వ
పసులకాడి పోరగాళ్ళ పలుకే నువ్వమ్మా
మా పాటే నువ్వమ్మా ॥పల్లే ఓయమ్మా॥

మోటోని ఆశలల్లో నువ్వూ
విరబూసిన తోటమళ్ళీ నువ్వు
బతుకమ్మా పాట నువ్వు
నల్లకుండలో మెతుకు నువ్వు
అంటరాని ఆశ నువ్వు
మా బరువు మోసే సుట్ట కుదురు నువ్వేనోయమ్మా
ఆ నవ్వే మాయమ్మా ॥పల్లే ఓయమ్మా॥

11

అంబటి వెంకన్న పాటలు