పుట:Abraham Lincoln (Telugu).pdf/81

వికీసోర్స్ నుండి
ఈ పుట ఆమోదించబడ్డది

నతడు "లేద"నియెను.

"మంచిభూమి కాదా?"

"ఈ సీమ నంత సుక్షేత్రము లేదు."

"అయిన రోగముల కిక్కయా?"

"ఆరోగ్యదాయియే."

"నేదానము మనస్ఫూర్తిగ జేయలేదని శంకించెదరో?"

"మీ త్యాగమున లోప మున్నదని నే నెన్నటి కనువాడ గాను."

"అయిన మీరేల యీ చేనుల విడిచెదరు?"

"ఒకటి వినుడు. నేను కీర్తనలు పాడుటయం దాసక్తిగలవాడ నని మీకు దెలియునుగదా? అట్టికీర్తనల నొక్కటి నాప్రాణ మున్నంతదాక నానందం బొసంగునది యిదె వినుడు:

సీ. క్షేత్రాధిపతి గాక చెలగుచుండుట జేసి
         ధన్యుండ నైతి నే ధరణియందు;
   గహనభూముల నైన గృహ మొండు లేకుంట
         సంసార దు:ఖంబు సడలెనాకు;
   స్వేచ్ఛా విహారంబు సెడకుండ సల్పుచు
         నీశ్వరు భజియింతు శాశ్వతముగ;
   నిమిషమాత్రము నన నిర్మూల మందెడు
         పటకుటీరము దీని బాసి చనగ,