| శశాఙ్కశేఖరః పూర్వం జటాధర వధమ్ప్రతి. | 241 |
| చక్రం లిలేఖ తర్జన్యా నిక్షిప్య భువి మధ్యమామ్, | 242 |
| కర్తరిశ్శంకరాజ్జాతః ఋషిః పర్జన్యదేవతా, | 243 |
తా. త్రిపతాకహస్తమందు తర్జని బయటకు చాచఁబడెనేని కర్తరీహస్త మగును. పూర్వకాలమునందు శివుఁడు జటాధరాసురసంహారముకొఱకు భూమిలోమధ్యమనుంచి తర్జనిచే చక్రమును వ్రాసెను. అది మొదలుకొని కర్తరి గలిగెనని ఋషులు చెప్పుచున్నారు. కర్తరిహస్తము శివునివలనఁ బుట్టినది. ఇది క్షత్త్రియజాతి. ఋషి పర్జన్యుఁడు. రక్తవర్ణము. అధిదేవత చక్రపాణి.
వినియోగము:—
| పాదాలక్తకనిర్మాణే పతనేలేఖ్యవాచకే, | 244 |
| చపలాయా మేకశయ్యా వియోగే మహిషేమృగే, | 245 |
| కేశపాశస్య శోధిన్యాం క్షత్త్రియే తామ్రపర్ణకే, | 246 |
తా. కాళ్లకు లత్తుక పెట్టుట, వ్రాయుట, దంపతులవిరహము, వ్యత్యాసము, విష్ణువు, మెరపు, ఏకశయ్యావియోగము, మహిషము, మృగము, చామరము, కొండశిఖరము, ఏనుఁగు, వృషభము, ఆవు, దువ్వెన, క్షత్త్రియుఁడు, రక్తవర్ణము, కత్తెర, గోపురము వీనియందు ఈహస్తము వినియోగపడును.