తా. ఈపక్షవంచితహస్తము మరికొంచెము ఎగఁబట్టఁబడినయెడ ప్రద్యోతహస్త మవును. దీనికి సిద్ధుఁడు అధిదేవత.
వినియోగము:—
| నిరుత్సాహే బుద్ధిజాడ్యే విపరీతనిరూపణే, | 495 |
తా. ఉత్సాహములేమి, బుద్ధిమాంద్యము, విపరీతమును నిరూపించుట, మాయావరాహము, కుండాభినయము మొదలగువానియందు ఈహస్తము చెల్లును.
12. గరుడపక్షహస్తలక్షణమ్
| అర్ధచంద్రౌ కటీపార్శ్వేన్యస్యోర్ధ్వంసారితౌయది, | 496 |
తా. రెండు అర్ధచంద్రహస్తములు నడుముప్రక్కలను ఎగఁబట్టఁబడినయెడ గరుడపక్షహస్త మగును. దీనికి అధిదేవత సనందనుఁడు.
వినియోగము:—
| కటిసూత్రే౽ధికేచైవ ఏవమాదిషుయుజ్యతే, | |
తా. మొలనూలు, అధికము మొదలైనవానియందు ఈహస్తము చెల్లును.
13. నిషేధహస్తలక్షణమ్
| కపిత్థాఖ్యేన హస్తేన వేష్టితో ముకుళో యది. | 497 |
| నిషేధోనామచభవేత్తుమ్బురుస్త్వధిదేవతా, | |
తా. కపిత్థహస్తముచేత ముకుళహస్తము చుట్టఁబడినయెడ నిషేధహస్త మౌను. దీనికి అధిదేవత తుంబురుఁడు.