తా. ఆలింగనము, పెద్దవస్తువు, గొప్పస్తంభములను జూపుట, మనోజ్ఞమయిన ధ్వనిగలమద్దెల వీనియందు ఈహస్తము చెల్లును.
5. స్వస్తికాహస్తలక్షణమ్
| త్రిపతాకౌ వామభాగే యది స్వస్తికతాం గతౌ. | 483 |
| స భవేత్స్వస్తికాహస్తో గుహస్తస్యా౽ధిదేవతా, | |
తా. త్రిపతాకములు ఎడమతట్టు స్వస్తికాకారముగాఁ బట్టఁబడినయెడ స్వస్తికహస్త మగును. వీనికి అధిదేవత గుహుఁడు.
వినియోగము:—
| కల్పద్రుమేషు శైలేషు హస్తో౽యం వినియుజ్యతే. | 484 |
తా. కల్పవృక్షములయందును పర్వతములయందును ఇది వినియోగించును.
6. ఆవిద్ధవక్రహస్తలక్షణమ్
| పతాకహస్తౌవ్యావృత్తౌ సవిలాసం సకూర్పరమ్, | 485 |
తా. రెండుపతాకహస్తముల మోచేతులను విలాసముతోఁ గూడుకొనునట్లు విరివిగాఁ బట్టినయెడ ఆవిద్ధవక్రహస్త మగును. దీనికి అధిదేవత తుంబురుఁడు.
వినియోగము:—
| మేఖలావహనే భేదే మధ్యకార్శ్యనిరూపణే, | 486 |
తా. మొలనూలు ధరియించుట, భేదము, నడుముయొక్క సన్నదనమును తెలుపుట, దేశీయనాట్యము వీనియందు ఈహస్తము చెల్లును.